2014

Eleni tro Rhuthun ydoedd i groesawu ein ffrindiau o Brieg a chyrhaeddodd parti o 26, gan gynnwys teulu o dri, brynhawn dydd Mawrth, 27 Mai am ymweliad 4-noson. Croesawydd ein gwesteion gan Faer Rhuthun, Cyng Stephen Beach, a Chadeirydd y Gymdeithas Efeillio, Emrys Wynne. Yna fe’i cyflwynwyd i’w gwestywyr yng Nghaffi R lle y cawsant ginio fin nos gyda’u gwestywyr ac aelodau o’r Pwyllgor Gefeillio.

Roedd y Pwyllgor wedi trefnu rhaglen o ddigwyddiadau ar gyfer ein ffrindiau ac ar y dydd Mercher bu ymweliad ag Eglwys San Silyn,  Wrecsam, y Ganolfan Grefftau yn Mwynglawdd a’r Bers.

Dydd Iau ymwelwyd a nifer o leoliadau yn Nyffryn Clwyd; Eglwys Llanrhaeadr a’r Crochendy, y Ganolfan Iaith ac Amgueddfa Radio yn Ninbych a dilynwyd hyn gyda thaith gerdded o amgylch Dinbych a’r castell.

Penllanw’r ymweliad mae’n debyg oedd  ymweliad y parti a’r Mynydd Gwefru a Pharc Gwledig Padarn yn Llanberis. Y noson honno yn dilyn cyfarfod o’r ddau Bwyllgor Gefeillio yng Nghanolfan Awelon  cafodd y parti bryd a chyngerdd gan Gôr Rhuthun. Wrth gwrs fe ddilynwyd hyn gan ganu cynulleidfaol ddaeth i ben trwy gyd-ganu ein anthemau cenedlaethol!

Treuliwyd fore Sadwrn yn Rhuthun gyda’n gwesteion yn gwario rhai o’u punnoedd a cheiniogau (dim euro yma!) ac wedyn cawsant ginio ffarwel yng Nghanolfan Cae Cymro, Clawddnewydd. Unwaith eto canwyd ein anthemau cenedlaethol cyn i’n ffrindiau adael i ddal eu llong yn Plymouth.

Unwaith eto ymweliad llwyddiannus iawn.